Nyheter Oslo og Akershus

Start hausten med å bli med oss på ei innføring i kva Mensendieckøvingane kan gjere for deg og kroppen din!

Lørdag 26. august frå kl. 11 i lokala til Storo og Nydalen Mensendieck-fysioterapi vil fysioterapaut Martina Kaufmann med mangeårig erfaring frå gruppe-, bedrifts- og privatundervisning i Mensendieck fysioterapi-treningsgrupper, Taijiquan, Qigong m.m. gi oss ei innføring i kva Mensendieckmetoden er og vi vil få prøve det ut i praksis.

Kl. 14 blir det servert lunsj og det blir tid til erfaringsutveksling.

Martina Kaufmann jobbar på ortopedisk klinikk på Oslo Universitetssykehus og som privatpraktiserande fysioterapaut ved Storo og Nydalen Mensendieck Fysioterapi. Undervisning, trening og erfaringar i grupper både som forebyggjande og behandlande tiltak, ligg Martinas hjarte nær. Ho ynskjer å inspirere gruppedeltakarane til ei kroppsleg og direkte bevegelseserfaring som kvar enkelt kan overføre til sin kvardag.

Målet med formidlinga av øvingane er å bevisstgjere eigen kropp gjennom å spenne og avspenne musklane i kroppen. Øvingane er skånsomme og lette å få til på eigehand. Dei har som mål å skape god balanse i muskulaturen for betre funksjon i kvardagen.

Mensendieck på Storo har lang erfaring innan både behandling og trening av muskel- og skjeletthelse. Dei held til i fine lyse lokale i 4. etasje vis-a-vis Storosenteret. Dei har både gruppetrening og individuell trening. I tillegg har dei eit lokale kor medlemmane kan komme og trene på eige initiativ.

Mensendieck-fysioterapauter leier gruppetreningane som foregår på dag-, ettermiddag- og kveldstid. Mensendieck passer for kvinner og menn i alle aldre. Gruppene har ca. 15 deltakarar. Treninga er variert, og blir tilpassa behovet til deltakarane. Ein får også individuell rettleiing.

Sett av lørdag 26. august allereie no, og ikkje gløym å melde deg på innan 30. juni her: https://forms.gle/hS7At8ZeSQAjVYds8 . Det er sett eit maks antal på 20 stykker. Arrangementet er gratis for medlemmar. Og hugs: kle som er behagelege å bevege seg i!

Lenke til nettside og FB-side for meir informasjon om Mensendieck:

https://fysio.no/mensendieck

https://www.facebook.com/profile.php?id=100052847359128

Kan du ikkje denne datoen, men har lyst å vere med seinare? Send oss gjerne ein e-post!

Vi i RiOA inviterer til sommeravslutning på Roseslottet med guida omvisning og sommarlunsj på Frognerseteren restaurant.

Tidspunkt: onsdag 7. juni kl. 11.45 utafor inngangen til Roseslottet. Omvisning kl. 12.00 og lunsj kl. 14.00.

Påmelding: sendast innan 26. mai til: bernyharj@gmail.com. Informer også om allergier eller andre behov.

Eigenandel: kr. 200,- dekkjer inngangsbillett og omvisning på Roseslottet + lunsj på Frognerseteren. Lunsjen er rekesmørbrød med salat/grønt og heimebakte brød. Til dessert blir det eplekake. Eigenandelen betaler ein til Rioakonto: 7874 05.55226. Vi minner om at drikke ikkje er inkludert.

Det er begrensa med plassar til arrangementet så ver snar med å melde deg på!

For meir informasjon om Roseslottet søk på Roseslottet.no: https://roseslottet.no/ eller følg Roseslottet på Facebook og Instagram.

Slik kjem du deg til Roseslottet:

Roseslottet ligg på toppen av Holmenkollen i Oslo, på høgda over Frognerseteren restaurant. Kjem du med bil, kan du parkere ved Øvresetertjern, cirka 200 meter frå inngangen til Roseslottet. Har du HC-kort, kan du parkere på handicapparkeringa ved inngangen (følg skilting).
Det enklaste for dei som kan, er å ta T-bane linje 1 til endestasjonen Frognerseteren. Det tar cirka 30 minutt frå Oslo sentrum. Innganen til Roseslottet ligg rett ved. For meir informasjon: https://roseslottet.no/veibeskrivelse/

Vi sjåast i juni!:)